ԹՈՂԱՐԿՈՒՄ 9-ՐԴ. ԳՅՈՒՄՐԻ ԾՈ ՖՄ

Ականատեսը` Գյումրիում, սուր հումորը կոռուպցիայում: Ականատեսն այս անգամ գրոհել է Գյումրին` հիվանդանոցները, կրթական համակարգն ու ապօրինի շինությունները: Մեր խցիկը գտել ու նկարահանել է գյումրեցուն, ում խաբել էին և անտեղի պատրաստվում էին հեռացնել առողջ նշագեղձերը: Կոռուպցիան բացահայտված է` նշագեղձերը տեղում են, մշակութային շինությունները ապօրինի տեղաշարժվում: Իրական պատմություններ` դրամատիկ, ողբերգական, բայց happy end –ով:

Գյումրին մեր քույր քաղաքն է, նրան շատ սիրում ենք, բայց եղբոր պես ուշադիր հետևում: Ականատեսի թիրախն այս անգամ Գյումրին է տեսախցիկներով, տեսաձայնագրող հնարավոր սարքերով մեկ շաբաթ քաղաքում շրջում էր ականատեսը: Մի քիչ խաբած կլինեմ, եթե ասեմ, որ Արթուր Մկրտչյանն ապրում է խիստ հետաքրքիր առօրյայով: Օրվա մեծ մասն անցկացնում է երթուղայինում` Գյումրի-Երևան գազելում, ընկերուհի չունի, միակ լավ լուրը` շնիկը` Բելկան, ձագ ունեցավ, հիմա անունն են որոշում:

Իսահակյան գյուղի բնակիչ: Հեռանկարային երիտասարդ, գերզբաղված գյուղացի: Ծառայել է բանակում, այժմ հեռակայում է Գյումրու մանկավարժական համալսարանի պատմության ֆակուլտետում:
Արթուրը հմուտ հողագործ է, լավ է տիրապետում քաղհանին, այն եզակիներից է, ում հաջողվում է նույնիսկ կարմիր լոբի աճեցնել Շիրակի դաշտում: Գյումրիում` ապ, գյուղում Արթուր, դպրոցում` ընկեր Մկրտչյան: Մարդու իրավունք է դասավանդում: Ռոբինզոնի հետքերով` այս փոքրիկ կղզյակում նա պատմական մեծ ճշմարտություններ է բացահայտում:

Վերջին նորությունը ցնցեց Արթուրին: Հղի է Բելկան: Շան նկատմամբ հետևողականությունը թուլացնելն ու Բելկյայի բեղմնավորվելը մեկ է եղավ: Ակտիվ հասարակական գործիչ, համահայկական միջազգային կենտրոնի ակտիվիստ և և ուղղակի ԴՋ` Արթուր: Արթուր Մկրտչյան: 24 տարեկան: Մեր բազմաֆունկցիոնալ Ականատեսը:

Տեսախցիկն անջատած Գյումրեցիները պատմում էին, որ ամեն քայլափոխի հանդիպում են կոռուպցիայի, միացնելուն պես` կատակի տալիս, նուրբ հումորով շրջանցում: Այնուամենայնիվ, ինչպես ասում են ականտեսից խուսափելը նունն է, երբ ամուսնական առաջին գիշերը ոչինչ տեղի չի ունենում:

Նույթն ուսումնասիրված է` Գյումրեցի հերոսուհու նշագեղձերի պատմությունը` ըստ դոկտոր Մարատի, տարածված երևույթ է, երբ բժիշկներն անտեղի վիրահատություններ են կատարում: Սա ոչ միայն կոռուպցիայի վատ օրինակ է, այլև անմարդկային:

 
Այո շատ բժիշկներ կան, ովքեր չեն հետևում իրենց հիպոկրատի երդմանը, – նկատում է Դոկտոր Մարատը:

 
 
Ի վերջո հենց նման օրինակներով է, որ կոռուպցիան տարածվում է լուրջ արագությամբ` Գյումրիում, թե հարևան քաղաքում` տարբերություն չկա: Վերլուծության արդյունքում Դոկտոր Մարատը նշեց ևս մի կաևոր խնդրի մասին: Շուտով Գյումրիում բնակարանային ֆոնդի բաշխումն է. իրավաբան-փորձագետը նախօրոք, բայց անհանգստացած է. այստեղ կոռուպցիոն ռիսկը մեծ է:

Մենք հույս ունենք, որ կոռուպցիոն դեպքեր չեն լինի: Ամեն դեպքում մենք ամեն ինչ պիտի անենք դրա համար, – ասում է Դոկտոր Մարատը:

Իսկ գյումրեցու երկու կանանց բանավեճը` երկու հակառակ բևեռներ ունեցող կարծիքների մի ամբողջ շարան էին: Դոկտոր Մարատն այստեղ մեղ ժպտում է, ուղղում փողկապն ու բացատրում իրավիճակը:

 
Պետք չէ իրավիճակին նայել վարդագույն գույներով և ոչ էլ վարդագույն գույներով է պետք նայել: Պետք է ռեալ նայել իրավիճակին ու ամենակարևորը ինքնախաբեությամբ չզբաղվել, – խորհուրդ է տալիս Դոկտոր Մարատը:

Հակառակ դեպքում կոռուպցիան խիղճ չունի, այն տարիք, մասնագիտություն ու ազգություն չի ճանաչում; Վերջում միայն մի բան ուսումնասիրված չէ: Հումորը օգնում է, խանգարում, թե նպաստում կոռուպցիային:

Ինչ անել

Կոռուպցիոն վիճակագրություն` ընդհանուր առմամբ մարզերում կոռուպցիան պատկերը հետևյալն է

2008 թվականի առաջին եռամսյակում Հայաստանի քննչական մարմիններում ընդհանուր առմամբ քննվել է 51 քրեական գործ կոռուպցիոն հանցագործությունների վերաբերյալ:

Մի քանի մարզերում, օրինակ Արագածոտնում, Արմավիրում ընդհանրապես որեւէ քրեական գործ չի հարուցվել:

Գեղարքունիքում, Տավուշում` 2-գործ է քննվել
Շիրակում` մեկ:

2008 թվականի առաջին եռամսյակում համեմատաբար դրական ցուցանիշ է արձանագրվել Լոռու մարզում, որտեղ դիտարկվող ժամանակահատվածում քննվել է 11 քրեական գործ:

«2006, 2007, թվականների և 2008թ. առաջին եռամսյակի հանցագործությունների ընդհանուր վիճակագրական տվյալների մեջ կոռուպցիոն բնույթի հանցագործությունները 1-1,5 տոկոս են կազմում: